yangiliklar

Zahiriddin Muhammad Bobur – shoir va sarkarda"

Zahiriddin Muhammad Bobur (1483–1530) hayoti davomida nafaqat jasur sarkarda, balki mohir shoir va buyuk tarixnavis sifatida ham nom qozondi. Uning “Boburnoma” asari nafaqat tarixiy voqealarni, balki Boburning hayotga, jamiyatga, tabiatga bo‘lgan munosabatini aniq va tiniq aks ettirgan durdona asardir. Bobur she’riyatida g‘amgin kechinmalar bilan birga umid va matonat ruhi ham sezilib turadi. Uning ijodida Vatanni sevish, adolatli jamiyat qurish kabi g‘oyalar yetakchi o‘rin tutadi.

Ikki buyuk siymo: ma’naviyatimiz sarchashmalari
O‘zbek adabiyoti va ma’naviyatining ikki zabardast vakili – Alisher Navoiy va Zahiriddin Muhammad Bobur o‘z asarlari bilan xalqimiz madaniyatini, til va tafakkurini yuksak darajaga ko‘targan, butun jahon ilm-fan va adabiyot xazinasiga bebaho meros qoldirgan buyuk siymolardir. Ularning ijodi bugungi kunda ham insoniyatni ezgulikka, bilim va tafakkurga chorlab, ma’naviy kamolot sari yo‘naltirib kelmoqda.

Qo’shimcha ma’lumotlar telegram kanalda: https://t.me/toshuyjoylitiaj

14.02.2025 yil

"Alisher Navoiy – adabiyotimiz quyoshi "

Alisher Navoiy (1441–1501) nafaqat ulug‘ shoir, balki davlat arbobi, tilshunos va faylasuf sifatida ham Sharq madaniyatida alohida o‘rin egallaydi. U o‘zining “Xamsa” asari bilan o‘zbek adabiyotini yuksak cho‘qqilarga olib chiqdi. Navoiy o‘zbek tilining imkoniyatlarini namoyon etib, unga yuksak mavqe berdi. Uning “Muhokamat ul-lug‘atayn” asari esa turkiy tilning boyligini isbotlovchi asarlar sirasiga kiradi. Navoiy ijodidagi insonparvarlik, adolat va mehr-oqibat g‘oyalari bugungi kunda ham o‘z dolzarbligini yo‘qotmagan.

Qo’shimcha ma’lumotlar telegram kanalda: https://t.me/toshuyjoylitiaj

09.02.2025 yil

"Shamil Abdullayevich Hakimov - Oʻzbekiston Respublikasi Turon akademiyasi akademigi unvoni bilan taqdirlandi "

Atoqli olim, seysmik barqaror qurilish nazariyasi va amaliyoti hamda shaharlar va aholi punktlarining seysmik xavfini baholash sohasidagi yuqori darajadagi mutaxassis, seysmik chidamli yirik panelli jamoat binolarining yangi seriyalari ishlanmalari muallifi va hammuallifi, ilmiy qo’mita a’zosi, MDH mamlakatlari bir qator universitetlarining faxriy professori.

Ilmiy-tadqiqot va ishlab chiqarish faoliyatida faol ishtirok etganligi, shuningdek, ixtirochilik ishlarida, ilmiy nashrlarda, shuningdek, kitoblar va o’quv qo’llanmalarini tayyorlashda erishgan yutuqlari uchun Fanlar akademiyasi Prezidiumining 03.11.2024-yildagi 1/11-24-son qarori bilan texnika fanlari nomzodi Shamil Abdullayevich Hakimov – Oʻzbekiston Respublikasi Turon akademiyasi akademigi unvoni bilan taqdirlandi!

Hurmatli Shamil Abdullayevich! ToshuyjoyLITI AJ jamoasi Sizni yangi mukofot bilan tabriklaydi! Sizga sihat-salomatlik tilaymiz. Farovonlik va eng yaxshisi! Biz Sizdan faxrlanamiz, Shomil aba!

Qo’shimcha ma’lumotlar telegram kanalda: https://t.me/toshuyjoylitiaj

23.12.2024 yil

"SOF EXPO & Biz Network"

2024-yilning 20-22-noyabr kunlari Samarqand viloyati, Jomboy tumanida SOF EXPO & Biz Network O‘zbekistonda yirik qurilish ko‘rgazmasi va Build Pro Expo 2024 xalqaro biznes-forumi bo‘lib o‘tdi. Ko’rgazmada qurilish materiallari, texnologiyalar va maxsus jihozlar namoyish etildi. Ushbu ko’rgazmada bizning hurmatli va suyukli Shomil Abdullaevich ham ishtirok etdi.

Qo’shimcha ma’lumotlar telegram kanalda: https://t.me/toshuyjoylitiaj

22.11.2024 yil